متوقفه لفترة الامتحانات

يوميات (في القطر )

يوميات (في القطر ) الحلقه (1)

__________


وسط ناس كتير وزحمه وقفت استنى

اتخنقت من الحياه وهركب قطر ينقلني لحياه تانيه

كان دا تفكيري وقتها وقولت يلا

هستنى تاني ايه اناهمشي

همشي بقا اشوف حياه تانيه واعيش مع ناس تانيه

مكنتش مخنوقه من الحياه لواحدي كان معايا ناس كتيره

وشوشنا سودا وجروحنا مريره

كل واحد فينا قافل على جرحه وواخد في وشه ماشي

كلنا هدفنا واحد

نركب القطر ونمشي

وركبنا القطر وكل واحد خدله كرسي

زحمه وناس كتير بتتخانق

اللي مش مريحه مكانه واللي زهقان من الدوشه

والموضوع كان مايل

يعني هربانين من خنقة الحياه وفي القطر بنتشاكل

ياااااااااه يمكن مع اول خطوه ليا في القطر

هبتدي احس انه الحياه مش لواحدها اللي خنقاني

دا الخلق طبعهم كمان اناني

محدش حابب غير نفسه ومستقوي نفسه وبيقول اناعدواني

خدتلي مكان في اخر القطروقولت انا مالي

انا بجهز نفسي لحياه تانيه ومليش غالي

حتى لوقتلو بعض هقول مالي

بعديها هدوا شويه وطبعا القوي سيطر على مكان الضعيف

والقطر خد في وشه للرحيل

اكيد كان كل واحد بيهيء نفسه للجديد

هيعمل ايه وحاله هيمشي ازاي ومواويل

.......

هنكمل في الحلقه التانيه

غصب عني

غصب عني

*\\*\\*\\*

غصب عني مااخدتش القرار

العاقل مايختارش يبعد ويعيش في نار

عارفه انك شايفني وحشه خاينه وغدري جبار

اهون دا عليا من اني اشوفك بتنهار

لابأيدك ولاكان بأيدي ولاحدفينا اختار

حكم اتحكم علينا نبعد وموش بأيدينا وتقول اني بعتك

قسيت عليك وسيبتك ورضيت بالاختيار

لارضيت ولاكان لي قرار وبعدت بدون اختيار

وكان دا اهون عليا
من اني اشوفك بتنهار

بضحك ليه

بضحك ليه
*..\\..\\..*

ليه كل لحظة فشل بتقابلها ابتسامه مني

بضحك ليه

بضحك على نفسي شمتانه فيا ولاايه

باين فقدت احساسي بنفسي

في ايه ؟

طب اصالح نفسي عليا ولااعمل ايه

انا خايفه وبضحك ليه

انا ضعيفه طب وبضحك ليه

بضحك على نفسي شمتانه فيا ولا ايه

كل دا عايشه مع نفسي ومتخاصمين

نفسي يااقربلي مني انتي مين

واحدا تانيه انتي ولاانتي مين

معقول انتي كنتي عايشه معايا طول السنين

طب لما انتي بتكرهيني كدا

هلوم ليه الناس التانين....

سيبها بظروفها

انا بحب الاغنيه دي جدااا

وهي

لنادر حمدي


سيبها بظروفها


سيبها بظروفها مايمكن تاني منشوفهاش ويمكن وقت منشوفها منعرفهاش

احنا من الاول ياقلبي ازاي مصدقناش بقيت بتمنى اكون فعلا محبيتهاش

نفسي اعاتبها على اللي انا فيه دا ولابلاش اعاتب مين وانا اصلا مقولتلهاش

قولي ياقلبي موش احناحاولنا معرفناش. ليه دايما باجي ادامها ومنطقهاش؟؟

طب اشمعنى دي تفرق ايه دي عن غيرها متستغربش

رد عليا رد عليا تعرفها

خلاص صدقت عارف ليه مليش غيرها عشان انا وانت كل شويه نوصفها

سيبها بظروفها مايمكن تاني منشوفهاش ويمكن وقت منشوفها منعرفهاش

سيبها بظروفها دي حاجه اكيد منضمنهاش ليه نمشي في سكه اخرتها منعرفهاش

لسه جوايا صورتها ياقلبي منستهاش حلاوة روح بروح للي مريحناش

روحي بتعافر في حاجه خلاص متنفعناش تعبت بجد من ناري اللي مبتهداش

حب دا ولا عذاب حالف مينصفناش تعبنا كتير ياقلبي وبردو موصلناش

طب اشمعنى دي تفرق ايه دي عن غيرها متستغربش

رد عليا رد عليا تعرفها

خلاص صدقت عارف ليه مليش غيرها عشان انا وانت كل شويه نوصفها

سيبها بظروفها

الاغنيه دي بجد اهداء لحد يعزعليا

حاسه بالامل

بصيت لطريق النهايه حسيت فيه بالامل

موش هرجع للبدايه انا هنسى اللي حصل

هعيش حاجات جديده

هتمنى تكون سعيده

ايه يعني ؟ هحب تاني

هعيش حاجات نقصاني

اناهنسى اللي حصل

هضحك واسمع في اغاني

هشتري فساتين عجباني

انا حاسه بالامل

خلاص يا يأس خلاص

انا عايشه في اجمل احساس

حاسه فيه بالامل

وهنسى اللي حصل

كل خطوه مكتوبه

كل خطوه مكتوبه
_________


ماشين في الدنيا دي وكل خطوه مكتوبه

والخطوه دي على كل واحد محسوبه

ساعات كتير بنمشي وارادتنا موجوده

محدش بيبقا عارف نهاية طريقه بس القسمه مكتوبه

كتير بنختط ونرسم لحاجات وهي اصلا محسومه

زيف الدنيا عمينا بس الحقيقه معروفه

كل شيء قسمه ونصيب

بس


الخلق ملهوفه


كل شيء قسمه ونصيب

وكل خطوه مكتوبه

20سنه1/10/2009

20 سنه 1/10/2009


يااااااااااااااااااه عيدميلادي العشرين انهاردا

ياااااااااااااااااااه دا كدا كتير اوي

والعمر عدا بسرعه اوي

تصدقوا محسيتش بال 20 سنه دول

ايام * اسابيع * شهور * سنين كله بيفوت على طول

حتى الفرحه في اليوم دا تقيله والحياه زي ماهي ثقيله

يعني يوم عادي هيعدي عادي زي اي يوم

متوقفه لفتره

بسم الله الرحمن الرحيم
___________



انا بجد معنديش استعداد اكتب اي حاجه الفتره دي

وبعتزر للجميع

متوقفه لفتره (الله اعلم هتكون اد ايه )

انا أستاهل منك كدا ؟؟

انا أستاهل منك كدا ؟؟

ـــــــــــــــــــــــــــ

جاوب دلوقتي على سؤالي
حله ادامي بصوت عالي

انا أستاهل منك كدا ؟؟

جاوب دلوقتي بصوت عالي
جاوب رد على سؤالي
بص في عيني لوسمحت
بص لي كويس متبصش لتحت

انا أستاهل منك كدا ؟؟

عملت ليه كل دا
ظلمت جرحت قسيت وخنت
دا مقابل حبي ليك
دي هدية احترامي ليك

انا أستاهل منك كدا ؟؟

عملت ليه كدا
عشان محافظه عليك
مخلصه وعايشه ليك
بفهم كلام عينيك
في كل ثانيه بحس بيك
الخيانه كانت هديتي ؟
لعبك بمشاعري كان صدمتي
لومن البدايه الحكايه لعب كانت حرجتك معاملتي

انا أستاهل منك كدا ؟؟

اتكلم متبصش بس
انت انسان مش بتحس
اللي زيك هيعيش خايف
زي ماخان هيتخان وهتبقى شايف
وقتها ابقى اسكت متكلمش
يمكن في اليوم دا تعرف تحس

ياريت اقدر ابعد اواغيراللي جواه

ياريت اقدر ابعد اواغيراللي جواه

*...*...*...*...*...*...*...*...*

ياريت اقدر ابعد اواغير اللي جواه

ياريت في ليله قلبي يتعود ينساه

اوياريت يحس بياويغير اللي جواه

ميشوفش اني عاديه ويحس اني حباه

ياريتني اقدر ابعد
واقطع ع الجرح طريقه

وارحم عذاب قلبي من الجرح اللي هيصيبه

ياريتني اقدر ابعد
ياريت اقدر اسيبه

ياريت اغير قلبه وافضل كتير وياه

لاهبقى عاوزه ابعدوهعيش سنيني معاه

ياريت اغير اللي جواه

لاني صعب انساه وابعد وبعد كدا اتمناه

ياريت اغير اللي جواه

ياريت كان سهل انساه

ويارتني اقدر ابعد اواغير اللي جواه

مبحبكيش ولا بكرهك

مبحبكيش ولابكرهك

مبحبكيش ولا بكرهك
ولاحتى بقصد اجرحك
انانفسي بس اريحك
لنفسك هحاول ارجعك

مبحبكيش ولابكرهك
ولاحتى بقصد اجرحك

كل الناس بتكرهك
حتى نفسك بتكرهك
سلمتي قلبك للشيطان
وربنا عليكي غضبان

مبحبكيش ولابكرهك
ولاحتى بقصد اجرحك

مرتاحه وانا بعيد عنك
دا في قربي منك بتجرحيني
وبغرورك بتعذبيني
ولوفكرت في لحظه فيكي
اكيد اكيد
هتجنينيني

مبحبكيش ولابكرهك
ولاحتى بقصد اجرحك

بدموعك مش هترجعيني
انتي كدا مش بتحبيني
بترجاكي تسيبيني
وبصي كويس جواكي
هتلاقي نفسك كرهاكي
نفسك بجد محتجاكي
صلحيها عليكي
حاولي تحببيها فيكي
هتلاقي الناس رجعت ليكي

مبحبكيش ولابكرهك
ولاحتى بقصد اجرحك

لامش معقول

صعب اني اتكسر واحزن في ليله
ليه الصدمه متقسمتش على ليالي كتيره
لامش معقول
هي متقصدش تجرحني
هي متعرفش انه مفرحني

لامش معقول

ايه ياقلبي يعني مفيش نهايه للحزن معاك

متردش عليا وتقول انك ملاك
انا عوزاك ترضى بالجرح على طول
رد مره وقول معقول
شوفته حبيت وفي كل ليله كنت بتطمني
قولتلي شكله وضحكه دا حاببني
رد دلوقتي وقولي مش معقول
لوقولتها دلوقتي هصدقك على طول
عيشتني الوهم سنه
كنت كل يوم ترسملي الفرح والهنا
انا دلوقتي اللي اقول
انااللي اقول مش معقول
مش معقول الفرح يجيني
مش معقول تحلوسنيني
اناواحدا الحزن ماليني
حرام عليك دموعي في عيني
حزن الدنيا دي موش مكفيني
مش معقول
ليه للفرح ليالي طويله
وليه الحزن كله في ليله
والنهايه صدمه كبيره
حب كبير احساسه اتغير
غلطة قلب لكنه صغير
ملهوش خبره ولاعنده حيله
بسببه سهرت ليالي طويله
بس ياريته في يوم يتعلم

مش معقول

اتكسرواحزن في ليله
ليه الصدمه متقسمتش على ليالي كتيره ؟؟

فات كتير

فات كتيروانا بستنى عايشه عمري بتمنى
مش صعبه اني الاقي حب واتهنى

وفات كتير وانابتمنى
عاوزه ارمي همومي على حد
عاوزه احب بجد

وفات كتير

وحاسه ان لسه كتير
وكل يوم بيعدي عليا سنه
يأست من الانتظار
ولسه جوايا نفس القرار
مش هحب كدا عادي انا هختار

وفات كتير

كتير تفوت كل دي سنين
وانا عايشه بين الجراح والانين

فات كتير

وشبح السنين مكتفني
وصوت جوايا مخوفني
بيقولي هتستني كتير

وفات كتير

وانا بتمنى وهيفوت وانا لسه بتمنى

مش هنساه

مش هنساه

مش هنسالك اليوم دا مش هنساه
ولوعشت اد عمري دا مش هنساه

مش هنساه

مش هنسى وانا ماشيه وسط ناس معرفهاش
ماشيه حاسه حاجات موصفهاش
خايفه وكل مابص على شنطي دموعي مبمسكهاش
عيشتيني يوم صعب انساه

مش هنساه

مش هنسى تفكيري في 100لا واه
مش هنسى يوم جر مرار سنين معاه
مش هنسالك اليوم دا مش هنساه
مش هنسى لما صعبتي عليا الاختيار
لما فكرت في 100 قرار

مش هنساه

مش هنسى انك مشيتيني في مكان معرفوش
مبعملش حاجه غير اني بتفرج ع الوشوش
سامعه كل حد بيهمس بالصوت
عارفه تفكير عينيهم وكنت بتمنى اموت
ماشيه بشنط كتيروعنيا مليانه دموع بقول بصوت عالي ودعايا كان مسموع
يارب مليش غيرك وماخدتش اي قرار
يارب قصرالليل وطلع النهار
يارب لوراضيك تعبي زيدني هصبرمش هنهار

بــــــــــنـــــــت في الــــــــثانــــــــويه

بــــــــــنـــــــت في الــــــــثانــــــــويه


زمان كان عندي حكايه
مش كبيره ومش روايه
حكايه كتير صغيره
هرجع وانا بحكي سنين لورا
حكاية بنت عاديه
عايشه سنين الثانويه
لاهي مراهقه ولاشقيه
بس عاوزه حب عاوزه تحب وتتحب
وحصل اللي عوزاه جه اللي بتتمناه
قالت عوزاه هو دا عوزاه
هودا انا عارفاه
وبدءت الحكايه ونقطه ومن البدايه
حب ملوش اساس لاشافته ولاهيتشاف
حبته مع نفسها كدا وخلاص
لا .. ووفت بكل اخلاص
لاسمعته قال بحبك ولاحتى قالتهاله
حبت وحبها ساكت معرفش يتكلم
حبت والألم والحسره جوه قلب بيتألم
وعينيها تغيب وتبص
قلبها بيبكي وبس
أدامها ومش طيلاه
كانت شايفه في عينه حب
متعرفش تمثيل ولا دا كدب
بس اللي حواليها أكدولها
قالولها بيحبك وكمان دعولها
وبعد كدا معرفش
غير انها بتحبه وبس
قالتلي كتير جمعتهم الا ماكن
وحبها كان لسه ساكن
فجأه تلاقيه يمشي
بتقول مش طايق يشوف وشي
وتعد تفكر هتشوفه ازاي
وأول مايلاقيها وتبقى لسه ماملتشي عينيها
ويبعد وكأنه بيقولها انسي
ومن أيامها لدلوقتي متعرفش عنه حاجه
ولاحد طمنها بحاجه
دي حتى قربت تنسى شكله
بس ولاثانيه نسيت حبه
ولو حتى رجع الوقت لبعيد كانت هتحبه من جديد
هي والله ماهي ندمانه
وحبته بكل امانه
حتى لوكانت زعلانه
متنساش ايام ماخلاها فرحانه
كفايه لما كانت بتشوف عينيه
كانت الدنيا جميله اد ايه
اللي مزعلها انها متعرفش عنه حاجه
سنين عدت مجاش لها اخبار
متتخيلوش اد ايه هي في حرقه ونار
ولواقدر اساعدها هدعيلها
واقول الله يسعدها
هقول يارب لوعاييش لسه
تشوفه
وبعدها يروح وينسى

حبيبي حبه غريب

حبيبي حبه غريب

حبيبي حبه غريب
ساعات بلاقيه حبيب
وكتير بيكون غريب
حساه انسان عجيب
حبيبي حبه غريب
في يومين علقني بيه
وفي ثانيه زهقني فيه
حساه انسان عجيب
ملى بحبه حياتي
خلاني اسهرله ليالاتي
وليلي بقا نهار
وقاد جوايا نار
وفي يوم وليله طار
أختفى وخد قرار
يبعد عني وينسى
وفي ثانيه عرف يقسى
حبيبي حبه غريب
وشكله محبش لسه
معرفش غير يجرح وينسى
حبيبي انسان عجيب

بقايا انسانه

بقايا كل حاجه مكملتش فيا

بقايا انسانه بقت ضحيه

حكم وحكمته الناس عليا

أنا ايه !!!

بقايا انسانه

ظلموني الناس والدنيا جت عليا

لاحب ولاحنان ولاحاجه في الدنيا ديا

أنا ايه !!!

بقايا انسانه

ظلمني اقرب الناس ليا

كان في اعتقاده ان هي دي التربيه

أنا ايه !!!

بقايا انسانه

بيت كبير فاضي ملياه الاحزان عليا

صدى صوت بيحكي وبيسمع ليا

أنا ايه !!!

بقايا انسانه

بدور على حب حوليا

لالقيته في أصحاب ولاعرفوا يمثلوه عليا

أنا ايه !!!

بقايا انسانه

دنيا كبيره باباها مقفول عليا

الفراغ حطم كل مافيا

أنا ايه !!!

بقايا انسانه

حبيت كتير واتخدعت

وفيت ولامره بعت

أنا ايه !!!

بقايا انسانه

ماشيه في طريق النهايه

مش عارفه ارجع للبدايه

مالناس شايفني

(:؛بقايا انسانه؛:)

ليه يادنيا !!!

ليه يادنيا !!!

تعباني يادنيا ومعذباني
مخوفاني ومشتتاني
بشوف فيكي الاناني والعدواني
وكل يوم بلاقي مصيبه جياني
وتعبانه بقول اااااه ياني
كان مالي ومالك يامحيراني
ايه جابني فيكي يامجناني
تعبانه يادنيا مش مرتاحه
تعبانه ونفسي اموت بصراحه
انا بأمانه مش قادره
ولاعاوزه اعيش حتى لبكره
يادنيا مليت بقا منك
يادنيا زعلانه اوي منك
يادنيا ارحميني بتوسلك
لوغلطانه هتأسفلك
تعباني يادنيا ومعذباني
تعباني يادنيا مش مريحاني
عاوزه اسألك سؤال
بس تردي في الحال
ليه مش شايفه حد غيري ؟؟
عاوزه اسألك وتجوبيني
ليه قررتي تجننيني ؟؟
ليه اعلنتي تحيريني ؟؟
خليتيني بنص عقل
لاعارفه فوق ولاعارفه تحت
ليه يادنيا
ليه يادنيا مبكياني
ليه من نفسي مكرهاني
ليه يادنياكل مافوق من جرح
تصحيني على جرح وجرح
ومن جراح لجراح اشد
دا انا لوجبل كان زمانه اتهد
خلاص بعترفلك بالانتصار
في معركه مضربتش فيها نار
ولاخدت فيها قرار
انا بس اختارت الفرار

*.؛؛؛.؛؛؛.؛؛؛.*

وحشتني

وحشتني

*...//...//..*
يمكن لماكنت معايا مقولتهاش
يمكن كنت بشوفك عشان كدا محسيتهاش
صدقني كدب مني ان قولت موحشتنيش
داانت واحشني وفي بعدك مش قادره اعيش
صورتك ادامي مارحتش بعيد
روحك حواليا في كل مكان في البيت
والله وحشتني مبكدبش عليك
نفسي اسمع صوتك بس اطمن عليك
والله ماحسيت بالوحده الا في بعدك
ولاعارفه مين هيعوضني عنك
يارب ياحبيبي متحرم منك
انا فعلا ندمانه اني مقدرتش قيمتك
عارفه اني غلطانه وغلطت في حقك
يمكن عشان كنت معايا محسيتش بحبك
بس سفرك وبعدك عرفني اني بحبك
وحشتني
يمكن لماكنت معايا مقولتهاش
يمكن كنت بشوفك عشان كدا محسيتهاش
وحشتني ووحشيتني عينيك
ياااااه لو الوقت يرجع لبعيد
وترجع ايامنا من جديد
كنت كل يوم هقولك بحبك وبموت فيك
وحشتني ووحشيتني لياليك
ووحشني كل حاجه فيك
وحشتني
يمكن لما كنت معايا مقولتهاش
يمكن كنت بشوفك عشان كدا محسيتهاش

عايزه ايه من الدنيا !!

عايزه ايه من الدنيا



عاوزه ابقا زي كل البنات
ليا قصه وبحكي حكايات
عندي اسرار وحاجات
زيي زي كل البنات

عايزه ايه من الدنيا

حلم بسيط وصغير
طلب ولوانه محير
أمان سلام حب وحنان
يتجمع كل دا في انسان
يبقى مني وانا منه
يعيش ليا وهعيش له
لايكدب عليا ولاهكدب عليه
يحس بيا وهحس بيه

عايزه ايه من الدنيا

عاوزه اسره وحبة عيال
عاوزه بنت وولد جمال
عاوزه ازرع فيهم امال

عايزه ايه من الدنيا

عاوزه اموت وانا مرتاحه
قدمت رسالتي بصراحه
عندي ذكرى حلوه موش جراحه

انا ظالمه
*...*..*...*..*...*
ظلمت وقسيت قسوه فوق الخيال
جرحت وسقيت جروح فوق اي احتمال

انا ظالمه

ايوه انا ظالمه وظلمي يهد جبال
ايوه مش الانسانه اللي صدقتها
مش صافيه ولاالبراءه في قلبها

انا ظالمه

ايوه انا ظالمه وظلمي يهد جبال
ايوه مش الانسانه اللي حلمت تبقا جنبها
مش هاديه ولاالحنان في حضنها
مجلكش غير جرح وظلم منها
لاهحاول اجمل صورتي في عينك
ولاهبكي واقول الله يعينك
لوهصلي ألف مره في اليوم
هدعي على نفسي عشان جيت على مظلوم

انا ظالمه

ايوه انا ظالمه وظلمي يهد جبال
عارفه اني ماشيه وسيبالك هموم تلال
صدقني كاسرني اني اهد انسان
صدقني غصب عني ومتقولش جنان
نفسي تسامحني وتنسى
اوعى تخلي قلبك يقسى

انا ظالمه

ايوه انا ظالمه وظلمي يهد جبال