لسه على حالي

لسه على حالي ملوش لازمه قراري
لابيودي ولابيجيب
زي الساعه ام حجربتشحنها كتير بس لها فتره وهتقف
بطاريتها تعبانه زي قلبي بالظبط
نقرر قرارات واوام نرجع برد
واعد ابني في شخصيه والشرط الوحيد اني استلمها قويه والكرامه الله عليها جامده اوي و100 100
ياخيبتي القويه
من برا لسان طويل ودماغ حجر مابيتكسرش
ومن جوا حبة ورق فاضي لما بيتنفخ فيه بيكش
نجدول الجداول ونظبط التظابيط
ونقول هنبدء يوم جديد
ايوا كدا اتقل ياعبيط
تيت تيت تيت
ومع اول رنه مابنسمحش للتنفيض
والايد تجري وتفتح على طول وكأن مفتش شهور
ورجعت ريما لعادتها القديمه
ويبقا الحال كما هو عليه
مااصلا راجعين لشخص ماتعلمش
خدانه يبعد والاخر نروح نصالح ونطيب الخاطر واحيانا ميبقاش راضي
والله دا كلام فاضي
اعد افكر مع نفسي واقول دا حوار يجن
ازعل واصالح نفسي ومالاقيش قلب يحن
وتلف الايام وتعدي والاقي نفسي اعدت في نفس المكان على الكرسي اللي تحت الشباك
ادامي كباية الشاي وحبة ورق فاضي
ونفسي عامله قاضي بتحاكم نفسها
تسأل وترد مع نفسها وعينيا اعدا تتفرج على اجمل مسرحيه
المتهم والقاضي اتنين جوا الضحيه
مشكلتي اني حياتي عاديه
كل حاجه فيها تقليديه
روتين مأثر فيا
ولما هحب اتخلص منه اكيد اكيد
هخسر جزء مني
مانا و هو واحد مااخدناش نعيش من غير بعض
يعني هبدء يوم جديد واحلم يكون سعيد
نفسي ابقا اد المسئوليه
وشخصيتي تبقا قويه
واتحدى شوق عينيا ولهفة قلبي اعتبرها عاديه
انا ساعتها هبقا صح ومش هيبقا جوايا جرح
واعيش حياه جميلهه وورديه
يارب كملها ليا

اللهفه والشوق واللقاء

اللهفه والشوق واللقاء
مااصعب تلك الكلمات ومااقساها على قلبي
الى اين رحلت عني ؟؟
ومتى سيكون اللقاء؟؟
يالها من مرارة انتظار
يالها من حرقه ونار
اشتاق اليك ومااصعب هذا الاشتياق
اتلهف لرؤيتك
ولااعلم كيف سيتم الالتقاء
لكنني انتظرعودتك مع بداية كل نهار
فأذا عدة ستجدني عند الاطلال
ومعي الشوق واللهفه وباقي الاسرار
فلاتطيل علي الانتظار
ولاتحرمني نعيم اللقاء

زمان دا كان زمااااااااااااااااان

هعذب واجرح فيكي
لاهتأثر ولا هراضيكي
ولاهسمحلك بالموت
ولاسجن يمر يفوت
وهعيشك احزان
واضحك واعزبك كمان
فاكره ايام زمان
لما كان اللي كان
قولتلك ارجعي وبلاش
دا شكله محبناش
قولتلي نجرب ونشوف
جربنا مالقيناش ومشينا مارجعناش
توهنا وكان اللي كان
فاكره ايام زمان
موتي فيا الحنان
وقتلتي قلبي كمان
وانا لما بشوفك قصادي بتفكريني بالماضي
والماضي دا من زمان
وزمان دا كان زمان

فضفضه

مخنوقه ومضايقه من ناس كتير
مش عارفه اعديلهم تصرفاتهم واكبردماغي واقول حصل خير
بعدكل يوم زعلانه واعيط وافكر واقول يمكن دا تقصير
بس برجع وبسئل نفسي تقصير مني ولامنهم ولا ايه خير ؟؟
بلاقيني بتعامل عادي وكويس ومفيش اي تغيير
بلاقي ناس تكلمني يوم ولايومين وبعدا كدا يستخدموا معايا مبدء التنفيض
اللي يعمل مش شايفني واللي يقول نسيني ولايكبرويدلتني
ماعرفش ليه كدا ولاعشان ايه ؟؟؟
ياترى انا ايه فيا وحش ومش حاسه بيه ؟؟

انابتخنق اوي ان حديتجاهلني اويتعامل معايا بقلة زوق
كل مااقول دا فلان ولا فلانه خلاص هيبقوا بدال اللي راحوا وهيبقوا كل حاجه جايه
بحس اني بشتغل نفسي ومفيش اي صح من اللي بقولوا
انا اول لما بكلم حد بحكي كل حاجه عني ومبخبيش
ولما بكون مخنوقه بحكي وافضفض مابداريش
يمكن الناس عوزني ابقى غامضه وأعملهم تشويق !!
وليه لما حدفيهم بيبقى مخنوق مابيرضاش يحكيلي ؟؟
هوانا اد كدا وحشه ؟؟
هوليه الناس بتتعامل معايا كدا ؟؟
انامبعملش لحد حاجه وحشه
دا انا حتى بيبقا جوايا حاجات كتير تعباني وبعد اغني واضحك معاهم
دا انا كلمة اااااااااااااااااااااااااه اللي جوايا
لوقولتها الدنيا كلها تسمعها
وبالرغم من دا كله ماببينش حاجه
اناكل مابعمل صومعه لنفسي وابعد عن الناس بعيد
برجع تاني مش عارفه ايه بيرجعني
انا اصلا مبحبش الوحده وبخاف منها
طيب انا اللي غلط ولا الناس اللي فاهمني غلط ؟؟
طيب وليه الناس بتكلم معايا لما بيكونوا عاوزين يعرفوا عني حاجه
انا مبحبش التطفل ولا الاسلوب دا
وعمري ماصاحبت حد وكلمته عشان اعرف عنه حاجه
هي للدرجه دي خصوصيات الناس ملهاش كرامه عند ناس تانيه
ايه دا
الدنيا دي وحشه اوي كدا ليه
مش عاوزه اقول اني كرهت الناس بس بجد
زعلانه منهم اوي

ركن هادي

عندي ركن هادي بقعد فيه يوماتي
وانادي كتير واهاتي
ياحبيبي حس بيا افهم كلام عنيا بتقولك 1000 مره انت كل اللي ليا
بتقول دي نظره عاديه
وتروح وتغيب عليا
واعد ليالي في نار
افكر كتير واحتار
اجيلك اوام واقولها ولااعيش في نار
واسهر ليالي بطولها على وهم الانتظار
ياحبيبي حس بيا
افهم كلام عينيا بتقولك 1000 ممره انت كل اللي ليا

ماشي يازمان

وماشي يازمان بتدور وكل مافي الدايره مقفول
مفيش حبة امل ولااي مكان دخول
وكأني طلبت قصور
اوحتى اعدي بحور
دا انا نفسي الاقي وطن اوحضن جناح مستور
وانده واقول يازمن اثبت على حالك شهور
لاتلف ولاتدور
مانت كد كدا مشهور
وجرحك جوانا محفور
عاوز ايه تاني ياقمور؟؟؟!!!